.
نواف .. تخيّل
لو أنك مسؤلا برتبة وزير الصحة ؟؟ ماذا ستفعل أولا ؟؟

راح أبنى مستشفى بحفرالباطن .


وهنا شحطة خيال أخرى ..
تخيّل أنك أفقت في صباح يوم ٍ ما وقرأت الصحفية مع قهوتك وبها :
نواف التركي يكشف اسرار المليون وشاعره ؟؟



أروح أسلّم نفسي الشرطه قبل يبهدلون الجماعه .


ولك ان تتخيّل أيضاً :
سيارة فارهة بدون عجلات .. فـ إلى اي عصر تُرجِعُها بـ بذاختها ؟؟


إلى العهد الأندلسي .


تخيّل أنك على مركاك وكنت بين غفوة ٍ وصحوة :
ورأيت النابغة الذبياني .. ماذا ستقول له ؟؟


يا شيخ حرام عليك تصوم تصوم تصوم أربعين سنه وتفطر على شعر .



وتخيّل :
أنقطع الماء فحأة وأنت تستحمّ .. ماهي الجملة الأولى التي ستقولها تلقائياً ؟؟


هههههههههههه ما أقدر أقولها هنا لأني ورثتها عن خوالي شمّر أنت عاد خمّنها .



وتخيّل :
أنك ركبت سفينة .. وقال قبطانها :
نحنُ في حالة غرق سريع .. وأنت معك ( طوق نجاة ) وهناك شخص ليس معه شيء ؟؟
ماذا ستفعل ؟؟


راح أتطوّق معاه واللي كاتبه الله يصير .




وتخيّل :
أن هناك قرار بمنع كتابة الشعر للجميع .. ومن كتبه سـ يُلقى فالسجن المؤبد ..
هل ستكتبه ؟؟


تأكد أول واحد يحكم مؤبد بلا أدنى شك محسوبك .



وتخيّل :
أن أفقت يوماً و وجدت ( حفر الباطن ) خاليها من السكان وليس بها الا أنت .. ماهي ردّة
فعلك في حينها ؟؟

بروح أسكن بقصر المحافظ .



وتخيّل :
أن سلطان الدوسري رفض هذا اللقاء معك :) ؟؟ ماذا ستقول ؟؟
.

هههههههههههههههههه

تبي الصراحه ........... راح أقول شوفي لنا غيره بسرعه .

.
.
يقولون القوّاله :
الشق اكبر من الرقعة ..
وش رايك لو صار معك ثويب ورقيعتن صغيره .. تبي تحطّها لو ماتيزي ؟؟


هذا ما راح أجاوبه ولا تسألني ليش تكفى .


قالوا :
ماطاح مغير انبطح ..
ماتشوف ان الطياح غير الانبطاح ؟؟

إلا والله فيه فرق شاسع البون ( عشان قلت مافيه فصحى بس )


ويقولون بعد ( وانا ادخل على الله وابرأ منهم :) ) :
تغدّ بالرجال قبل ايتعشّى بك ..
وانت وش تقول ؟؟؟

أقول أنطح الرجال لا تتغدى ولا تتعشى كذا أحس أكثر مصداقيه.




وقالوا بعد بالمثل الحجازي :
إذا كان الأكل زيتون الشبع من فين رايح يكون ..
نواف ... تحب الزيتون ؟؟ واي نوع منه ؟؟

الأسباني الأسود.




وقالوا بعد :
كلن عليه من زمانه واكف ..
ماقد رقيت للسطح تسدد شقوق عن المطر ؟؟ :)

أبداً ولا حتى تحلم فيها .




وقالوا بعد :
القدر مايركب الا على ثلاث ..
تهقى مايركب على ثنتين ؟؟


هذي عاد أنا مجربها جيب لك بلكتين كبار والله ليركب عليهم سلام سلام .


وقالوا بعد :
قال انفخ يا شريم قال مامن برطم ..
ماقد نفخت يوم وطفّيت الضوّ ؟؟ :)

لا أنا بطرف ثوبي أكرّ النار .




وهمّ قالوا :
فلان ينقز العرفجه ..
تشوف هذا يمشي مع وقتنا ؟؟
وفي نظرك اجل وش ينقز ؟؟

يا كثرهم بوقتنا , الحين ينقزون أبراج ماهو عرفج وبس .



وقالوا بعد :
مثل بيض الصعو يذكر ولا يشاف ..
بجد ماقد شفت بيض الصعو ؟؟؟.

أنا خلني أعرف الصعو
عشان أعرف بيضه .
.
.
فيه كتاب يانواف بعنوان " الامثال الشعبية في الجزيرة العربية " وعدّة اجزاء ..
لـ عبدالكريم الجهيمان ( الله يرحمه ) .. يوسع الخاطر :) لايفوتك اذا ماقريته ..

لا والله لكن بأذن الله عمّا قريب .