منتديات أبعاد أدبية - ألف مبروك لشاعر المليون ,,

اثبت لنا بن فطيس وللشعر والشعراء بأنه حقا ليس بمن يأتي ولا يدرى به ,,

( ماني بمن يأتي ولا يدرابه)

ماني بمن ياتي ولا يدرابه
شطراً حفظته ماعرف كتابه

شطـراً يناسبنـي لمثـل الليـلـه
وأشوفني فـي ذا المكـان أولابـه

أبـتـكــل بالله ونــعــمٍ بالله
اللي مايوصـد دون خلقـه بابـه

باقـول واللجنـه تقيـم قـولـي
ومن كثـرة الشعـار مانـي ابـه

الحمـد لله واثـقٍ مـن روحــي
وان كنت ذيـبٍ فاالرجـال ذيابـه

ماأقول أنا أشعـر واحـدٍ فالدنيـا
لكن قصيدي كفو وأنـا أدرى بـه

والشعـر جمعنـا لــو تفرقـنـا
حـدودنـا وظروفـنـا الغـلابـه

الله يبيض وجـه راعـي الفكـره
عـزالله أنهـا تنحسـب لحسابـه

والله يبيض وجـه مـن يرعاهـا
محـمـد الله يحفـظـه لحبـابـه

محمد ولد زايـد عريـب المجنـا
ولـي عهـد الـديـره الخـلابـه

الشعر تاريـخٍ لنـا مـن مبطـي
واعلامنـا يـوم السنيـن نهـابـه

الشعـر بيـتٍ والـوزن عمدانـه
معنـاه طنـب وقافيتـه حجـابـه

والشعر وادي فيـه صيـد واجـد
وكلٍ على الـوادي يهـج ركابـه

الأفكار صيد وكل شاعـر قانـص
وكـلٍ يدسـم شاربـه مخـلابـه

أحدٍ خياله حـر و احـدٍ وكـري
واحـدٍ خيالـه كوبـج بقطـابـه

وأنـا خيالـي كــل ماهديـتـه حول
على الوادي وصـاد عقابـه

شاركت أمثـل ديرتـي وربوعـي
وكـلٍ يمثـل ديرتـه واقـرابـه

والله إلا الله راد والله قــالـــه
إنـي لاسلمهـا الفخـر واكتابـه

داري قطـر وأنا هنا أمثلهـا
المجـد مطلوبـي وأنـا طـلابـه

عهـدٍ علـى إنـي لشـرّف داري
تـرك صبـيٍ مايـعـز تـرابـه

شوفوا دمـي مـن حبهـا عنابـي
وحماستـي مـن ضوهـا شبابـه

شاعر خليجـي والعروبـه بيتـي
والبيـت ماياقـف بـدون أطنابـه

وان عـودة بيـن القبايـل فزعـه
أنشهـداً لـي فالـلـوازم لابــه

لـي فالقبايـل ربـع واقـدرهـم
ماني بمن يجهـل مقـام أصحابـه

وان عودة لاصلي فاأنا أصلي مري
من صلب يام أهل القنا وخضابـه

قـومٍ لنـا فـوق المعالـي بيـرق
والسيـف قـوة سلتـه با****ـه

الشعـر طوقنـي وانـا طوقـتـه
قمـت أتمشابـه وافـك أبـوابـه

يابنـت ياللـي تفرقيـن بعـودش
ماألومهـم لـو كثـرو الخطابـه

لامر بش دربش علـى خلـق الله
قالـوا كـذا باالأصبـع السبـابـه

قومـي تباهيبـي وفلـي راسـش
عليش من ستر الشـرف جلبابـه

وان ماسترتش بالفعـول وباسمـي
فعقبـنـي الفنـجـال ياصبـابـه

الشاعر / محمد بن حمد بن فطيس المري