|
صافح حزنك !
ــ واصفع خوفك ! أصفع وقتك ! ــ حلوه الدنيا ! حلوه بلادك ! ــ تشبه أمّك ! تكّرم أمّك ! أمّك أطهر ! لاتتثائب ! إعمل ـ إعلم ! هذا الصبح الفاضل معمل ! وإنته ياأستاذي الفار ! * كادح جداً ! ساذج أكثر ! مرّه فوق ـ مرّه تحت ! مرّه تلعن ـ مرّه تمدح ! ياخي الدنيا حلوه جداً ! حلوه بلادك ! تشبه أمك ! تكرم أمك ــ أمّك أطهر ! * * تشعر إنك واحد عاله ! ـــ وإن الدنيا مثل [ الصاله ] ! بس الأغرب إنك تكدح ! ـــ تكدح لجل تبيع افكارك ! وتْجاوبك ْ بلادك : أهلاً ! ـــ تفتح كل أذيال أزرارك ! تلعن شكلك ! يلعن دارك ! إسكت وإحرق كل أشعارك ! * * شايف والله الدنيا حلوه ! حلوه بلادك ! ليت بلادك ياخي أمك ! كان تلمك ! كان تضمّك ! كان وكان وكان وكان ! ياخي إسكت ! صِك أزرارك ! صافح حزنك واصفع خوفك جدّك حارب ضد الترك ! جدك حارب ـ حارب ـ حارب ! لجل تعيش وإنت الأكرم ! لجل تفاخر بين الناس ! جدي كان الأشجع وأقوى ! جدّي كان بروسلي وقته ! ياخي ساخر هالتاريخ ! ــــ آسف جداً عالتوضيح ! بس أحتاج لـ لقمة عيش ! ــــ ماأبي أوصل للمريخ ! * * ترجع ثمّ بنفس النبره ! ـــ تكتب : صافح حزنك وإضحك ! حلوه الدنيا ! وأكمل ـــ باقي هذا الشعر ........... ! |
اقتباس:
إني أحبّك ياوطن ! من رأسي لـ آخر يدي ! ياأجمل وأعذب وطن ! ياأطهر وأنقى وطن ! ياراحتي ياسلوتي يافخري وفخر الشعوب ! ياتاج في رأس العرب ! لكني أعتب ياوطن إبن ويعاتبك بحزن إبن ويعاتبك باأدب من طيبك إن تسمعه ! وإن شاغبك لا تمنعه ! . . ورب البيت والزمزم ورب الـمشعر الأعظم إنه إذا حان الوغى ! وأحتجتني وقت العدا لآفز لك / فزّ بّدوي ! لافيه شخص ٍ ينتخي ! قام ورمى له غترته ! ثم أنتخى من عزّتــه ! حتى أستمالت خيــمته ! ياموطني : يادنيتي ! ياشيمتي : وكرامتي ! مليون أحبك ياوطن ! لكنّي أحتاج لـ يدي ! عطني يدي ! وشهو بقي ؟ . . أرجع وأقول : إني أحبك ياوطن ! من رأسي لــ لـ كِل جْسدِي ! |
http://www.albdoo.info/up/2009/24592/81260527936.jpg
اليوم ذا ماهو بــعادي ! ـــ حزينه الأرض وبلادي ! اليوم ذا يوقف التاريخ ـــ اليوم ذا جّداً كئيب ! يوم أعلنوا / فقدنا سلطان ! . . سلطان وينه ؟ وقالوا : مات ! سلطان مامات ياأمّه ! سلطان عايش بــ داخلنا ! . . http://s.alriyadh.com/2006/07/25/img/237655.jpg اليوم ذا ماهو بعادي ! ـــ اليوم دمعة أبو متعب ! ياوالد الشعب لاتبكي ! ياأطهر الناس لاتبكي ! كل إبن في هالوطن إبنك ! سلطان سبعة عشر مليون ! المملكـه كلّها سلطان ! . . |
تدري وش اللي هزّني في رجوعك ؟
ــــ إني فقدتك كثــر ماكنت فاقدك ! ماشفت من شوقك حكايا دموعك ! ــــ يعني غيابك نفس منظر تواجدك ! |
مامرّوا الناس في عيني !
ــــــــ إلا وكل الوجوه [ إنتي ] صحيح كنت أفرد إيديني ! ـــــــ كنّي أغطيّك لانمتـي ! أتخيلك مثلـــــي الواعي ! حرف ٍ نبت وأرضه ذراعي ! كان وتكوّن من أضلاعي وأثمر من الشعر أوجاعي ! |
* * كأنك يالحزن عادي ! ـــــــــ مهاجر لــ أسفل الوجنه كّـأن بكفّك بلادي ! ـــــــــ ورمح ٍ واقف ٍ سنه ! |
. . علمتّها الحب لجل إنّي ـــــ ودّي تجرّب معاناتي ! راحت لغيري وخلتني ـــــ أرسم بداية نهاياتي ! . . كتبت هذين البيتين عام : 1419 هـ ! |
طاوله ... وأربع كراسي ! بيرتين ــ ونادله ! . . صاله عتيقه ــ أدخنه ! وناس جداً [ فاقده ] ! الأول : أحتاج لعقل ! الثاني : أحتاج لحبل الثالث : يتمتم : [ خبِل ] ! الرابع : بحالة [ ثمل ] ! . . النادلة / تترك الجلسه تستأذن بـ [ حشمه ] ! . . الاول : يناقش / هالنادله حيل مسكينه ! وش قد هي تتعب ! هذا البلد أعمى ! الثاني : بضحكه بس حيل مزيونه ! هذا البلد واعي ! الثالث : يتمتم ! هذا الفضا فارغ ! الرابع : الأذكى ! الكاس ذا بيِدي ! من حقق الدوري ؟ ! . . في الجانب الآخر في آخر المقهى ! شاشة تضّخ أخبار ! [ الجيش الصهيوني يقصف أرض القدس ] تذكر مصادرنا نسبة ضحاياهم اربع شباب وطفل وسبعة عشر جرحى ! . . الساعه الــ بكره ! يتكرر المشهد ! طاوله ... وأربع كراسي ! بيرتين ــ ونادله ! . . شاشة تضّخ أخبار ! [ الجيش الصهيوني يقصف أرض القدس ] تذكر مصادرنا نسبة ضحاياهم اربع شباب وطفل وسبعة عشر جرحى ! |
| الساعة الآن 08:34 AM |
Powered by vBulletin® Copyright ©2000 - 2025, Jelsoft Enterprises Ltd.