|
هذي مقادير الزمان وظروفه تقفي بنا .. والعين ماعافت اللّد لكنّها تصبر على ماتشوفه لابد من فرقا المحبين .. لابد مثل القمر لاراد ربّك خسوفه مافيه عيب ولاتغيَّر ولا ارتد لكنّ طبع الأرض يحجب هنوفه هو مارغب فرقا .. وهي مالها يد |
تخطي وتزعل ؟ كيف اراضيك قلّي ؟ فكّر معي في عقدتك كيف تنحل ؟؟ |
هذا التغلِّي عندمـا ( مابلشنـا)؟ ولاَّ التسلِّي عندمـا (مادرينـا) ؟ فيض المطر يازين : ماهو عطشنا وغيض النظر ياعين : ماهو علينا |
عساكم من عواده
أمس العصر بالساعتين الاخيرة بين الأذان وبين تجهيز الافطار قمت آتوجّد لرْمضان وهجيره وانقض له من الروح وانضم له اشعار وادوّن ابياتي على ما استنيره لعلّهن في صفحة العمر تذكار يامسرعه لمَّ الضحى والظهيرة واعجل هلاله بالمغارب والاسحار ما احدٍ على فرقاه ريَّح ضميره غير الذين امسوا على الركن كفَّار يالله تمهلنا من العمر خِيرة حتى نعيده بالتهجِّد والاذكار أمسيت وامسى الطير في عش طيره واصبحت واصبح طيري البارح .. وطار |
وكل عام وانتم بخير
ودّك تعرف اللي يحبوك من جد ؟ راقب نهار العيد (من يتصل فيك؟ : ) |
عفت القصيد ..وعفـت حبـره وطاريـه ماعاد بي حيل اضـرب القـاف بالقـاف جاريت .. ماحولـي مجـاري واجاريـه باريت ( طيفي بس ..!) من بين الاطياف ماهو تنرجس .. (لا) .. ولاقُبح اواريـه يمكن ملـل .. لنّـي شعـرت بتأفـَّـاف فوق السحـاب الطيـر هـذي محاريـه ماله بالارض الاَّ مخالب عشـا ضعـاف مـن يسلـم بقلبـه ويتـرك حواريـه مايرتكب عشق ويحسول بـه اطـراف مثل الوَحَش .. يااامسعده فـي براريـة حرَ النظر لاعاف في نظرتـه .. عـاف |
وحيد .. بضيقتي ملغوم وادوّر عود لاحراقي واقلّب بالشعر عن لوم وعذرٍ يعتق اوراقي نسيت انـِّي فقدتك يوم ولا علَّمت باشواقي ولكن اللقا مجزوم إلى مالا أمل باقي |
[poem=font="traditional arabic,6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياليل ياعين يانجمات ياقمرا=ياويل يابين يالوعات ياسمرا هي لعثمة شاعرة ولاَّ طَرَش شاعر؟=ولاَّ حروفك أبَتَ تستنطقك شِعرا ؟ سيني على نيّتي صادك على صادك =أمّا اشعريها شعر ولاَّ انثري نثرا إنتي خطرتي بخصرٍ مترفٍ خاسر=لـمَّا نظرتي بأنف الجهل والكِبرا شبّيتي النار لجروحي وصدّيتي :) =تستكثرين البياض ونيّتك صفرا ؟! [/poem] |
| الساعة الآن 02:43 PM |
Powered by vBulletin® Copyright ©2000 - 2025, Jelsoft Enterprises Ltd.