منتديات أبعاد أدبية - غن / لا ضاقت عليك الوسيعه / غن

منتديات أبعاد أدبية (https://www.ab33ad.com/vb/index.php)

- أبعاد العام (https://www.ab33ad.com/vb/forumdisplay.php?f=9)

- - غن / لا ضاقت عليك الوسيعه / غن (https://www.ab33ad.com/vb/showthread.php?t=3004)

..

وين انت ياللي قلت لاصرت محتـاج
ازبـن عليـك وكـل كـربٍ تحلـه

لو ان كربي ثقـل ابانـات وسـواج
واثقل مـن جبـال السـراه المطلـه

له ترتكي ماتحسب احساب الامـواج
لـه ترتكـي وتقـول لطويـق خلـه

وتصير لي في عتمة ايامـي سـراج
السـود والاّ البيـض ماهـن اشكلـه

القى لهن في حزة الضيـق مخـراج
وادل دربـي قبـل اجيـك وتـدلـه

هذا كلامك بالرخـا قبـل الاحـراج
حبيـت اعيـده واسمـع العلـم كلـه

الياّ اسفهل حجاج واستقطـب حجـاج
حبـل الشدايـد ماانـت كفـو تفلـه

وهداج يكرم عنـك مشحـوم هـداج
هداج من جالـه ضمـا الكبـد بلـه

ياللاسف كيف اعتبرتك لـي سيـاج
ياقلـب قلـه لـو تكـرمـت قـلـه :

مافيـه علـة مالهـا طـب وعـلاج
الاّ ثــلاث مالـهـن طـــب لله
ولااعرف لهن مبدأ .. وسيرة..ومنهاج
المسكنة..والمهـزلـة.. والـمـذلـه

عاقل الزيد .. رحمه الله
..

..

شلف ورماح

ياصاحبي قلها علـى شـان ترتـاح
الكلمـة اللـي توجـع القلـب قلهـا

قلها عسى همك مـع الليـل ينـزاح
وتفـارق الضيقـة وتلقـى بدلهـا

اطلق عنـان السالفـة سدهـا بـاح
الى متى من دون صـوت تختلهـا؟

خل الحديـث لمبهـم السـر مفتـاح
سـود النواعـس لاتبيـن زعلهـا

حاولت اصرح لك..وانا اعرفك لماح
بالصدق هذي..عن هذيـك تعزلهـا

تعبت اجدّل من سهر ليلـك مـراح
واضفي على جـرد المشاعـر حللها

متعودٍ صدري على شلـف ورمـاح
كم لي على شانـك وانـا محتملهـا

لاغيمـة ٍ تمطـر ولابـارق ٍ لاح
علـى مداهيـل خفوقـي نزلـهـا

ماظن باقي بالفـرح كثـر مـاراح
الفرحة اللي تنتظر مـن قتلهـا

تعال اوسع صدرك ان ضاق وارتاح
والكلمة اللـي توجـع القلـب قلهـا

عاقل الزيد .. رحمه الله

..

واحد صبر

ساده

بدون هموم

تكفى يا رفيق

أحمد الطرقي

( إجابة سؤال )

صفعـة قديمة .. تنشر على مسؤلية صاحب الصفحة :)

..

خذ يا محمد عن سؤالك من قراءاتـي جـواب
من شاعر ٍ في ساحة الشعبي عرف ما بالقليب
..

سألتني ليش الشعـر قـام يتغطـى بالنقـاب
واصبح عقب ماهو لسان ٍ للعرب لهجة غريب
..

بكشف لك السر الكبير اللي تستـر بالضبـاب
ابختصر واشير لك وانت اقتنصها يـا لبيـب
..

ولا بلاش اخلي المعنى مثـل لمعـة سـراب
ببيعها واقولهـا ولا همنـي سيـف الرقيـب
..

أخاف ربي يوم يسألني بهـا يـوم الحسـاب
مخافة الله فوق مخلوقٍ على قولـي حسيـب
..

الملك ورث جدودهم والشعر ذا موضة شبـاب
بالبلطجة بالطيب شاعر.. واتحدى من يعيـب
..

لو قال شاعرهم غزل في رقة وحسن الذبـاب
افلقني ان ما صفق الجمهور مبدع يا رهيـب
..

تحول الشعر لشعير ودارعـه فيـه الـدواب
كلٍ يبي يطلع من المشروع في اكبـر نصيـب
..

والناقد المسطول ضيع عقله بشـرب الهبـاب
والنقد في حالة مرض يعجز عن علاجه طبيب
..

والشاعر المصنوع يرسل كل شاعـر للغيـاب
صاحب سمو وفوقها يحمل لقب شاعر أديـب

..

تدري متى تخنقني العبره وأحسّ أنّي أضيق ؟

.............. / ............. اليّا تذكرت الموادع بعد لحظات اللقاء

هاتوا لها في فيّة القلب كرسي
................. من طلة النجمة الى رعشة عصير

مساعد الرشيدي

الحب لازم .. ينبني على اصول
عشان يثمر .. والعلاقه تطول
وان كان ماله أساس ..
مبناه طاح !!
يستاهل اكثر ..
من بناه في البطاح !
وحط اساسه في ممر السيول !
مافي الصراحه عيب
يابن الأصول !!

من أغنية قديمة لـ عبد الرب ادريس !!

.

.

.

تذكرتك يا (عليا)

وتذكرت عيونك

يخرررررب بيت عيونك

يا(علياء)
شو حلوين