كل قلب ٍ في ذراه الحب عاش

....................................... // فيه طيبه زايده عن حدهاااااا

والقلوب ان فارقت صارت هشاش .


......................................... // موحشه والذكريات تشدها



متعب التركي

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ما ودّك نغيب أنا ملّيت هالعالم = حروف متكلّفه ووجيه كذّابه

الكل منهم لطعنة صاحبه والم = قلوب متفرّقه وعقول تتشابه

ياصاحب الحزن يا مجنون يا حالم = المنطق اللي أشوفه منطق الغابه

أذا لـ / هالحين قلبك منّهم سالم = يالله مشينا لأبوها شعر وكتابه [/POEM]

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]الشعر فـ الظلمه حديث الدياجر = وأحيان في بعض المعاني وقاحه
واللي ببعض أحساس قلبه يتاجر = ماهو بـ مثل اللي تحدّه جراحه
ولو تفهم الفكره دموع المحاجر = كان أعلنت فـ البال عمق أجتياحه
ولو كان يمديني عن الحزن أهاجر = ماشفتني في كل منبر وساحه
ولا شفتني لـ طيور الأحزان زاجر = أدوّر أظيق ما تجود بـ مساحه
القلب طير بسجن الأوراق ظاجر = مدري متى يعفى ويطلق سراحه[/POEM]

.
.
.


[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
صدري اللي سجنتك فيه ما هـو بخيـر=وأنت أحسّك تبي تطلع وعذرك معـاك

بأطلقك من قفص صدري وأشوفك تطير=غلطه أدري ولكن روح طيـر بسمـاك

أبعد الله عطاك قلـوب غيـري كثيـر=شوف قلبٍ خلي وروح غـرّد هنـاك

يا كثر من يبونك بس أنا صـرت غيـر=غيّرتنـي سنينـي وأرخصتبـي غـلاك

كم لك بقلبي أفرش لك بقايـا حصيـر=روح يمكن يغني لك ذهب مـن بغـاك

بس أبي منك توعدنـي لطـول المسيـر=خذ زهابك جفى لا تلتفـت مـا وراك

غير جوع وبقايا شاعر أضحـى فقيـر=مو من المال من قربك وطـاري هـواك

بأعتقك مدري أعتقني ودربـك سفيـر=المهـم روح لا ترجـع وربـي معـاك [/POEM]