.
.


للحالة اللي تنتشي بي إذا غبت
.......... جيت أرمي الما بالحجر وآتبعثر !
.
دامي رويت من المصايب ولا شبت
.......... وش عاد يجبرني على الهم وأحضر !
.
ياطفلتي عن سكّة أهل الهوا تبت
.......... خذي يديني وأعطي القلب دفتر !
.
بأروح أغنّي وأوعدك كاني أطربت !
.......... ما أشيل غير إسمك لو الشعر يُكسر !
.
يُكسر ويُلعن خيّره .. دامني ذبت !
.......... يعني بتوقف عـ الكسر ذيك الأشطر ؟!

.
.


الصمت يخنق مشاوير الغرام .. إحكي !
................ لا تسكتين .. المشاعر للحكي مالت !
.
يرضيك يعني بصمتك تقتلي ضحكي .؟!
................ وتجف غيمة محبّتنا .. بعد سالت .؟!
.
إحكي وأبوعدك بالنجمات أوشحكي !
................ وأرسمك بأجمل قصيدة لجلك إنقالت !
.
إلين ما سيرتك تطغى على المحكي !
................ و .. ( يلام من لام ) قافيّة بك إنهالت !

.
.


الفجر سافر والسما زفت الياس
..........والفُجر سافِر والمسا ذل عيني
.
ياضيقة البارح لكي داخلي ناس
..........مدري أجي ولا وطنكي يجيني
.
ياطاولة همي نزح عنكي الباس
..........وأمسى القلم يحمل تلاشي يديني
.
أعيش؟ أحاول؟ كيف والليل كراس؟!
..........والنور لاجيته طفى مايبيني
.
ياسيدي شفني على الضيق نبراس
..........ترثي يساري كل يومٍ يميني
.
سريت في ليل الغرابيل عساس
..........أشيل هم عيون ماترتجيني
.
إحساس؟ لاوالله ماعندي إحساس
..........غير الشقا والحزن ودموع طيني
.
لاقلت أبفرح صب في عيني عماس
..........والفرح لاجاني ولا لد فيني
.
كن الحنان الويل وأفكاري أنفاس
..........طفله بكت فوق الرصيف تهجيني
.
فوضى شوارع والبلد صابه نعاس
..........وأنا على وسط البلد جت سنيني
.
والبارحة يوم أغلب الناس نعاس
..........أتعبت قافي لين ندا جبيني
.
يامترفة يافاتنة يا أم الألماس
..........يابنت عم الورد ياراحتيني
.
مروا على مفتونك أشكال وأجناس
..........لكن غيرك ماقدر يحتويني
.
آخذ مشاريب العتب منك لاباس
..........وآعز جفني لو تزايد ونيني
.
آصبها في كاس وآصبني كاس
..........وآقول كاسي للكسر لو تجيني
.
واليوم يوم إن الفرح فيني إنداس
..........أبنكتم وأكتب على ظل عيني :
.
كيف أتنفس والهوا ذل الأنفاس
..........ووشلون أموت بدون لا تقتليني
.
كيف أبتسم يوم السما زفت الياس
..........والفرح لاجاني ولا لد فيني