المشاركة الأصلية كتبت بواسطة خالد شجاع (المشاركة 383028)

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]الفكر عين الادمي واذنه الذوق=واحيان عكس القاعده ذي حقيقه
الجرح لمس الواقع المر برفوق=ولو ما تطيق الشي تجبر تطيقه
اغيب يوم وغيبتي تعتبر بوق=الوقت غيّبني لجل بَلّ ريقه
يا أنت يا دلّوع يا محترف ذوق=لو تمشي بصحرا تحوّل حديقه
ابسألك واسوق لك خاطري سوق=الخاطر اللي فيه اشيا تعيقه
المجتمع وشّو ..؟ بشر وارض وحقوق=ديره حديثة عهد واخرى عريقه
النمر ما هزّه على الغابه الشوق=واثق وثوق النص وزن وموسيقه
اصل السما مرايه تعكس البحر فوق=وينثر لنا من ماه ما لا نحيقه
والارض لو تجدب غدت صفحة شقوق=تحكي لنا قصة فراقٍ عميقه
في مثل هذا اليوم ما ماتت عروق=مات الصحيح اللي يدوّر وثيقه
وانا وحلمي بالسما نرسم الطوق=ونزيّنه بنجومها والحقيقه [/poem]