|
كون بگلبي تدري اشيحمل اسرار .. وكونك تفهم بنظرات العيون .. ليش آنه من اشوفك اشتعل نار .. گوم الحگ عليه وشوفني شلون .. احبك .. وآنه باقي وياك محتار .. شفت اعيونك آنه .. وصابني اجنون .. ولك گلبي گلب .. مو كومة احجار .. ومن حقي آنه اگلك .. بيك مفتون .. بارد لشوكت .. مره انگلب حار .. وچويني واگلك آني ممنــــــــــــون محمد رحيمه http://iraqnaa.com/iraq/alyas-kder/y...7enWana7en.ram حن وانا احن |
من زمان أنطر سحابه وما إجت
غيمه.. ما مرّت على أحد من گبل غيمه من آخر سما.. وآخر حزن غيمه محمله دموع وبواچي من زمان انطرها لاچن ... ما إجت شگد بچت روحي عليها شگد عليها سولف الرمان والتينه حچت؟ غيمة الله عشعش الصبار بجروحي ونبت وانتِ من آخر سما وآخر حزن وآخر عمر لْيمته اتاني من سما اجروحي المطر؟ (جمعه) |
بساتين الورد
من يا نبع مرتوي؟ من يا غصن تفاح جْبتْ ألوان لخدودك من يامجره نزلت من ياسما ويا گَاع لميت الْهوُه لْعودك وك أنا مجبور.. أنا مجبور بعيونك خليني لْبساتين الورد ناطور مَحّدْ يوصل حدودك (جمعه) ياماحلى صباحي اليوم :) |
برد
چنت أدورلك بروحي على گمره تفيي لسنينك وتنثرلك سعد چنت أدورلك على غيمه زغيره تطش على أيامك ورد چنت اسامح واشتكيلك يلي غارگ بالدفو وك روحي مليانه برد |
ياخذني لعيونچ حنين
مره أزعل .. مره أصالح .. مره اعاند.. ومره الين.... چا وين تاخذني بعد.. وآنا وازتني السنين؟ تذكرين؟ تذكرين شلون من نزلن النجمات يمنه؟ چنه ملتفتين مدري لوين من ذاك الطفل طيّر فراشاته بوجهنه تذكرين شلون نزلت دمعه من عينچ ونشفتها الفراشه؟ وچانن النجمات مستحيات منه ؟ تذكرين من رسمنا الغيمه عَ الشباچ؟ چنه ملتفتين مدري لوين من مطرت علينا وساحت الألوان كلها عله الچراچف كلشي بالغرفه انصبغ باللون الاحمر ثيابنا والباب وفراشات الطفل والحچي البينه تذكرين شگد تذكرنا حچي وشگد نسينا تذكرين الورده من فَتْحتْ بدينا چنه ملتفتين مدري لوين من خضر على العتبة حچينا.. شگد ضحكنا شگد بچينا تذكرين شگلتي من گتلچ.. مدري ليش ومن شنهو زعلنا؟ چنه ملتفتين مدري لوين من صرتي الفراشه وردت اصير آنا الطفل طرتي مني بعيد..بعيد طرتي عَ الشباچ عَ البيبان ع البرده الزغيره ومن نزلتي نزلت الدمعه عله خدي وما مسحتيها و..كبرنا تذكرين من كبرنا شگد حزنا شگد بچينا؟ (جمعه) |
|
جميلٌ هذا المتصفّح ياميرال والذي يطلّ بنا على ضفاف دجلة هنا
يمتى تسافر ياقمر وأوصّيك ؟ والوادم البيها الأمل تدليّك ؟ قالولي نيتك صافية وأولايتك متصافية قبلك ردت لي أمسافر اليندّل هلي .. وقبلك ردت لي أمسافر لديرة هلي .. أشكد دورّت . . ماحصّلت .. وصار العمر محطات عّديتهن وماكو عرف وكل العمر محطات .. وخفت أسأل بلايه عرف ! ويافشلة الملهوف ويدوّر هله أبمحطات !! وصفوك ألي النواطير .. قالولي نيتك صافية .. مثل العشق والأزهار وصفوك ألي النواطير .. قالولي روحك غافية ..بين الوفا والأسرار وقالولي .. قالولي .. قالولي كل الليل يلتم مايطفيّك قالولي كلكّ حيل والهّم مايمضّ بيك وعيونك اللّي تحرس الكاع تشبه أعيون الناس والحب والعصافير تالي العمر محطات ؟! عديتهن ماكو عرف .. وصار العمر محطات وخفت أسأل أبلاية عرف ! يافشلة الملهوف ويدوّر هله أبمحطات .. ياعيني ياديرة هلي .. ياروحي ياجنة هلي *زهير الدجيلي* |
كـَالتْ وصار من كـَالت سنين :
وجهكْ المملي حنين أحلى لوحه .. وانتظرتج ترسمين . وهذا يوم وذاك يوم : لا ني اسود لاني أبيض لاني اصفر .. وردتْ اكـَلها : شلون ؟ جاوبتني : ما لكـَيت بلون وجهك عندي لون .. *كاظم الركابي* |
| الساعة الآن 06:19 PM |
Powered by vBulletin® Copyright ©2000 - 2025, Jelsoft Enterprises Ltd.