|
اقتباس:
. . والله ياهو بريء :) ايه اتتّن مارلبور احمر بعد .. . . |
. . زانت العلوم ... يعني محمد الضويحي يبي يجيك فالبيت ؟؟ ياليتني حولكم كان اكمّل الرصّه :) .. . يارجال دام الرياض واصل تحت الصفر مايلام الشمال .. . نواف .. يقول المثل : ماطر طير وارتفع الا كما طار وقع .. هل فعلاً لابد من السقوط حتى وإن حافظ هذا على مكانته ؟؟ يقول طلال مداح : ياطفلة تحت المطر .. ماجاء في بالك تتخيّل الحبيبة بكذا منظر ؟؟؟ نواف ... لو لقيت الفانوس السحري وطلع لك عفريت وقال : هلا وغلا يانواف .. لك طلب واحد بس .. ومعك ساعة تفكر .. وش بيكون طلبك ؟؟؟ لو طنّش محمد الضويحي ولا جاك وانت تعبان على القهوة والشاهي .. وش تبي تقول له اذا شفته ؟؟ . . . |
تمام عشان راح تفهمني كذا دقق ركّز القهوه الشماليه تكون داكنة اللون , فنجال واحد يطيّر أخر برج براسك , الفنجال الثاني يمديك كذا تحس إنك تبي تشتم واحد , الثالث إذا ما شربته بتبلش بالمعزب ووممكن يحصل نوع من الهوشه حسب معزتك وغلاك عند معزبك , الرابع يمديك تقول بس وإذا ما قلت وودك تشرب ..... إفتح المالبورو وخذ لك زقاره وولع لمّا يبدأ تأثير المخمّره والمخمّره هي القهوه عند أهل الشمال لأنها تخمّر ليومين وثلاث حسب مزاج راعي الدلّه , لما يبدأ تأثيرها لا بد من زقاره لموازنة التقلبات العصبيه ولاّ صدقني بتطلع من المعزّب وتنشب بحلق أقرب واحد على طول . |
اقتباس:
. . . هههههههههههه حسبي الله على بليسك .. عزالله وصف دقيق .. وياحبّي للقهوة مع الزقارة .. بس انتم قهوتكم يااهل الشمال محروقة زيادة .. يعني فنجالكم عن خمسة فناجيل من قهوتنا .. والعويدي عندكم بزيادة بعد .. . . . |
. . اكيد يانواف تلعب " بلوت " .. بكل صراحه : ماتغش فاللعب وتقطع دايم ؟؟ ومنهو اللي تحب دايم يقابلك في هاللعبة ؟؟ نواف ... من عرفنا العلم و " الفقع " يكثر في منطقة حفر الباطن عن غير المناطق الاخرى ... ظنك وش السبب ؟؟ . . . |
.
زانت العلوم ... يعني محمد الضويحي يبي يجيك فالبيت ؟؟ ياليتني حولكم كان اكمّل الرصّه :) .. . أغلى من يجي يا سلطان ومحيّا متى ما طرالك . نواف .. يقول المثل : ماطر طير وارتفع الا كما طار وقع .. هل فعلاً لابد من السقوط حتى وإن حافظ هذا على مكانته ؟؟ فعلاً لا بد من السقوط لأنها سنّة الحياة , ولكن نوع السقوط هو ما يحدد العظمه , فـ صدام حسين بعيداً عن ظلمه وما إلى ذلك عند سقوطه كـ أنما يعرّج إلى السماء , المتنبي عند سقوطه كـ أنما يصعد على منبر من الرجوله , وهكذا .. السقوط واقع لامحاله ولكن طريقته هي ما تميّز الساقطين من المرتفعين حتى في لحظات التهاوي . يقول طلال مداح : ياطفلة تحت المطر .. ماجاء في بالك تتخيّل الحبيبة بكذا منظر ؟؟؟ يقول طلال السعيد طفلةٍ تركض من البرق خايفه ولاّ زمان الطفوله ولم يبقى من الأحلام ما يستحق أن نعيده للخلف حنقاً على الحاضر . نواف ... لو لقيت الفانوس السحري وطلع لك عفريت وقال : هلا وغلا يانواف .. لك طلب واحد بس .. ومعك ساعة تفكر .. وش بيكون طلبك ؟؟؟ ما يحتاج ساعه ... بقوله رجّعني لـ عمر 12 سنه بعيد ترتيب الحياة لشكل أفضل . لو طنّش محمد الضويحي ولا جاك وانت تعبان على القهوة والشاهي .. وش تبي تقول له اذا شفته ؟؟ لا مو أنتظر لين أشوفه وأقوله بشغل سيارتي وأروح له وأتهاوش معه لأني إنسان كسول وصعبه أتعب وأسوي شي وبـ الأخر أشربهن لحالي . |
اقتباس:
. . . ياجعل ربي يسلّمك .. واوعدك راح اجيك فالجبيل . . عزالله راح فيها محمد الضويحي :) الا عساه يجي ويفتّك منك وهواشك .. . . |
.
اكيد يانواف تلعب " بلوت " .. بكل صراحه : ماتغش فاللعب وتقطع دايم ؟؟ أيوالله أعرفها وفنّان بعد , بس عندي مشكله مو في اللعب وبس حتى في الحياة , يا خي أحترم اللي معي حتى لو باللعب , وهذا يخليني غالباً خسران بمحض إرادتي . ومنهو اللي تحب دايم يقابلك في هاللعبة ؟؟ أي واحد غير عادل الرديعان لأننا ممكن نتذابح لو أننا لحالنا عشان كذا أتجنب أروح له لحالي لازم يكون في طرف ثالث موجود عشان ينتهي اللقاء بسلام . نواف ... من عرفنا العلم و " الفقع " يكثر في منطقة حفر الباطن عن غير المناطق الاخرى ... ظنك وش السبب ؟؟ . لأن أرضها منبسطه وتربتها طريه , أما الفقع من الـ 1419 وحنّا نسيناه . |
| الساعة الآن 05:57 AM |
Powered by vBulletin® Copyright ©2000 - 2025, Jelsoft Enterprises Ltd.