|
في يميني مُّلك واللي عن يساري الحبر و الطرس يا ساعي البريد ..! اسر يا زين المسافة و المساري وبلغ أشواقي محبين القصيد ..! القصايد كنها عندي جواري محتضنها قصر هارون الرشيد ..! يوم الاااعبها و تطري لي طواري قلت يا قلب العناء ، هل من مزيد ..! محمد بن شتير |
كل ما هب الهوى قلبك لعب به وصرت له رهن الإشارة و التصرف..! اعتدل في كل شي إلا المحبة فالهوى و الحب يا زين التطرف..! محمد بن شتير |
رجعت اسج القدم و ادوج ف/ الحارة وسالت عن قيس واللي فالهوى مسه..! أمشي و قلبي يبوس الدار و جداره و العامرية ورى الجدران مندسه..! و إبليس شفته لبس معطف و نظارة دكتور و يحس نبض القلب ويجسه..! قال الف مبرووووك و أبشرك ببشارة احس قلبك يعيش الحب و يحسه..! و أنا ابتسم منه تاره و العنه تاره و إبليس من عادته، في منتهى الخسه..! محمد بن شتير |
كل ما فكرت في سر الوجود قلت في نفسي تعالى ربنا..! رحمتك ربي، طلبتك يا ودود أنت خالقنا و تعرفنا ضعفنا..! انشغلنا بالجواهر و النقود ما حمدنا الله وحنا عندنا ..! الطمع دايم يؤدي للجحود و منطقيتنا تقيّد حلمنا..! ودنا نحلم و لكن في حدود لا نحط احلام ماهي قدنا..! محمد بن شتير |
مشاعري متداخلة و المواعيد في عيد ميلادك و عيد الضحية..! ب/اذبح خروفي يوم عشرة من العيد و انتي اذبحي قلبي شويه ، شويه ..! الأولة فالشرع سنه و تأكيد و الثانية لعيون حبك ، هدية ..! ما دام سويتي على القلب تحديد ما عاد باقي للعقل مقدرية ..! كن السماء في ايد و الأرض في ايد من يوم اشوف النظرة المخملية ..! كل عام و أنتي عيد يا شيخة الغيد يا ام الحلا و الملح و الجاذبية..! و كل عام في حبك تموت التناهيد ياللي وجودك يرفع المعنوية ..! أنتي مدى عالي عن الكل و بعيد مال الأوادم في حضورك بقية..! محمد بن شتير |
ظروفنا يا زينها بعض الأوقات اللي تبين معدن اللحم و الدم..! يمكن تجي فزعة على غير هقوات و يمكن يبور اللي تسميه محزم ..! لا صار ابن عمك لطيحتك شمات هذا ماهو عزوة و لاهو ولد عم..! محمد بن شتير |
؛ ؛ هل غادر الشعر و أهل الفكر و أهل العقول جبل تلقرام و تويتر و درب الوله ..! امر و اسال عليهم كل مقهى و مول اللي لهم عند راعين الأدب منزله ..! شاعر و قد الكلام و قد كل الفعول والله ما ارجع عن اللي قلت ، قيد انمله ..! المستوى كان جيّد و اتجه للنزول من يوم جانا اللوكيشن ضاعت البوصله..! لامرني ذكر أبو الطيّب يمر الذهول اسمع كلامه و تفسير الكلام اجهله..! اطرب لصوت العزاوي و الرمك و الخيول و اراجع الوقت و اعشق فالزمان أوله..! أنا لو أني صحابي في زمان الرسول فجرت ف/أبو جهل و أبو لهب قنبلة..! الشاعر المختلف دايم يثير الفضول و يخاف من فكرة الروتين لا تقتله ..! فيني مواسم تعب مرت بكل الفصول جراد الأفكار فيها يأكل السنبلة ..! يا صاحبي و الحياوي لا تظنه خجول ترى الحياء و الخجل ما بينها ايت صلة..! حنا قصرنا السوالف ما نبيها تطول و المشكلة فيك دايم تطلب التكملة...! لا تطرح المشكلة بدون طرح الحلول عطني حلولك ، قبل لا تطرح المشكلة ..! محمد بن شتير |
؛ الوعي (لعنة مزمنة) مثل الإدارك له في حياة الأدمي قو تاثير..! فالمخ يفصل سلك و يشبّك اسلاك و يحط رمز لكود و يفك تشفير..! اللي يخلي الواثق إنسان شكاك و يحس عقله يمكن إشوي و يطير..! ياصاحبي من هو يسوي سواياك خيبت ظني فيك و أنا أحسبك غير..! ودي يجيني منك لو ربع ما جاك و تنظر بعين الربح كثر المخاسير ..! ضيعت عمري فيك و عجزت لا القاك ما ادري ضميرك حي أو جاه تخدير..! مسيتني باوجاع صدري و ذكراك ما كني أكثر شخص صبحك بالخير..! محمد بن شتير |
| الساعة الآن 02:40 PM |
Powered by vBulletin® Copyright ©2000 - 2025, Jelsoft Enterprises Ltd.