|
يوم أبوها قال أنا بيتي ب/ابيعه ( كل حارتهم وراها ناقلين ) ..! طاح سعر المتر في حي البديعه و أرتفع سعر المتر ف/ الياسمين..! محمد بن شتير |
يا قلب لا تحزن و يا نفس لا باس بيد الله التوفيق ، ماهو بيدي ..! يهمني اسعى و اوقّف مع الناس و ما همني لو توقف الناس ضدي ..! محمد بن شتير |
لا تجيني تدعي بانك تحب و أنت ما تدري المحبة وش تكون؟ دام مالك في الهوى عينً و قلب ما اقدر اخلق قلب و اخلق لك عيون..! محمد بن شتير |
لا تجيني تدعي بانك تحب و أنت ما تدري المحبة وش تكون؟ دام مالك في الهوى عينً و قلب ما اقدر اخلق قلب و اخلق لك عيون..! يا حبيبي و الهواء ماهو لعب الهواء آهات و احساس و جنون ..! كل ما دورت لك عذر و سبب بالجفاء و الصد خيبت الظنون ..! آه منك و آه من هذا التعب و آه من كثرة غيابك و الشجون ..! شوف كل الناس و الكون الرحب والله ما تلقى مثل قلبي الحنون ..! أنا عالي في السماء مثل السحب يمطر إحساسي على الدنيا مزون ..! محمد بن شتير |
لو سالته وش شعوره كان صاح وكان واضح في عيونه دمعتين..! كان خايف من كرونا و اللقاح و سورة التوبة قراها مرتين ..! ويوم شاف اللي تطعمّه استراح و قال يا سستر اباخذ جرعتين..! محمد بن شتير |
كيف ابعصى النفس فيها عقب طاعت و عن هوا نفسي يراودني هواها ..! عسجدية،، تشتري قلبي و باعت عقل شاعر تذهله ( شدة ذكاها ) ..! ما سالت النفس وشلون استطاعت ؟ و باستطاعتها تحقق مبتغاها ..! لو لمست كفوفها ذابت و ماعت ويوم تضحك يشتكي منها قساها..! صبحها منه الليالي كم تداعت وحدها ما فيه نجمة في سماها..! قبلها كل السنين احس ضاعت و بعدها الضايع من ايامي لقاها ..! محمد بن شتير |
كثير أمور ودتني و جابتني و لكن عن وصالك ما اقدر اتراجع..! أنا رغم الظروف اللي تحدتني تحديت الظروف وجيت لك راجع..! محمد بن شتير |
(مطلق) جونا الزباين بدون اعلان من يوم طبت بتتسوق ..! اعلانها كان بالمجان صدفة كذا، ربنا وفق ..! ملاك لابس ثياب انسان سُندس تخالط مع استبرق..! جتنا و سميت بالرحمان وش جابها ماني مصدق..! نستني الهم و الأحزان من جوها الزين و الأروق..! اتذكر التين و الرمان اللي بحداد و المندق..! تدعو الى الأثم و العصيان و بالابتسامات تتصدق..! كلماتها ( أغنية فنان ) ونظراتها نظرة محقق ..! تعزف موسيقى بدون الحان و يصفّرر القلب و يصفق..! لا وقفت نلعن الشيطان واذا مشت خفت تتشقق..! راحت و فمي بها مليان ولسان حالي عجز ينطق..! من هيبة الزين و الحرمان بلعت ريقي بغيت اشرق..! رجعت بيتي و أنا زعلان و حلمت فيها و في مطلق ..! مطلق يقول انت يا وجعان تالي المحبة بتاكل ...... ! و البنت تصرخ ترى غلطان انا ب/ اجي و امسكه بالحق..! والله ل/أجيكم على الدكان عشان اشوفك و تسترزق ..! *حداد بلاد بني مالك الحجاز * المندق بلاد زهران |
| الساعة الآن 03:01 PM |
Powered by vBulletin® Copyright ©2000 - 2025, Jelsoft Enterprises Ltd.