[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]القلب عود يفوح والطيب من مكسره=تحته من الجمر مايوقد سكات الرماد

والعين مغرورقه بالدمع ومبعثره=بين الصور والرسايل والدجا والسهاد

حنا اليا حسبنا مازرعنا الذره =قل للعصافير تتركنا وقل للجراد

البارحه جف في غصن الملام ثمره=عقب البياض انكسر ضلعه وسال السواد

والناس خلان قبل الريش والمحبره=شعوب وفخوذ واحباب وصباح وهجاد

هذا الجمل لو سنامه سامك فـ ظهره=ماله عزوم يقوم بها ولا له شداد

ياذيب عيد على قلبه وفج نحره=دامه رغى عقب هدراته وشم الحماد

تمخض الوكر والقرناس عن حمره=في راس قشعه لعب فيها الظما والنفاد

يوم النحاس انصدع لونه وذاب أصفره=غنيت للسنبله كل اغنيات الحصاد

مايدفي الا الوبر والوصل والمقدره=لازاد شوك الشتا في راحتك والفؤاد

ولاصار ما لك اليا منك ركضت اغبره=شوري عليك اترك البيدا .. وكب الطراد [/POEM]



نايف صقر

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]تغيب ترجع كنّك اللي ولا غبت = لا وتشرّه ليه ماني بالأوّل!!

ماني بالأوّل لا وربي وجنّبت = دربك وكل اللي تخبره تحوّل

حتى الجروح أبشّرك منها طبت = ماهو بأنا اللي للوصال يتسوّل

رح علّم اللي فيني أغروك وشـ/جبت = خل الذي حاول يآوّل يآوّل

قلّ كنت هاقي لكن أخطيت ما صبت = قل كنت أظن أني بقلبه مخوّل

قل كل شي أنا مفارق وزهّبت = قلبي وأبيه بهالزمان يتجوّل

ما قلت لك من دون عذرٍ إليا غبت = ترجع صفر من عقب ماكنت الأوّل [/POEM]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]كان قصده ينقص قيمتي فـ / يهبا = وكان مغريه حلم الواقع أصدق نبأ

ما قبلت ( النسيئه) كيف أبقبل ربا = قلّه إنّا ( خوراج ) عن حكومة سبأ [/POEM]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



أسمع وخل العلوم وحاول تركّز = عشان تفهم وتوضح عندك القصّه

متن الضعيّف يخونك خلّه وعكّز = على الذي مابعلمه كنّه وغصّه [/POEM]

سنبقى نسير

وأبقى أنا فى ذهولى الغريرّ

ألمّ الظلال كما كنت دون اهتمام

عيون ولا لون لا شىء الا الظلام

شفاه تريد ولا شىء يقترب مما تريد

وأيد تريد احتضان الفضاء المديد

وقلب يريد النجوم

فيصفعه فى الدياجير صوت القدوم

يهيل التراب على اّخر الميّتين

وأقصوصة من يراع السنين

تضجّ بسمعى فأصرخ : اّه !

أخيرا عرفت الحياه

فواخيبتاه

نازك الملائكه

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


كم تعبنا ولكن ماعرفنا الصحيح = وكم هوينا الصعود ولا لقينا درج

وكم هقينا ولكنّ الزمان الشحيح = قاسيٍ ما يبي يطلق يدين الفرج

غن يا حادي الأحزان يمكن يطيح = دمع ولا تحن قلوبهم لا عرج

بي من الروح ما يتبعه صوتٍ يصيح = لا متى وأتعكّز لي بحظٍ عرج [/POEM]