|
قوه على قلبي دست قوه على روحي قسيت
مو هينه اجي بدمعتي واوقف بباب البيت دقيت بابك خجل وبلا خجل دقيت وفتحت بابك الي سلمت ما رديت وسمعتك تقلي بهمس ياريت لو ماجيت |
صحيت والوسائد غرقانة بدموعي
كل شي بيه جامد وبردانه ظلوعي ياعيني عليه اسوى الشوق بيه لا انته اجيت ولاجرحك يروح حتى حلم عيني ياخذني بجروح |
.
الحچي ودمع المراسيل البچت بين الظروف والغنه وحس الربابه وسمع المعاند يشوف وانتَ وطيوفك سنابل .. تنحصد دم بْبيادرهم تطوف يا غلاتك راهب يرتل صلاتك والكنايس تشرب الحان الحروف والنواقيس التسجل صوتك أنته وشاح رايه، كتاب شاهد ما تَعْرف وراقه خوف وأنبياء الناس تصعد للجرح تنزف صلاه وانتَ بحبال المشانق صوت يدوي وانتَ بهلال المآذن جنه تضوي وانتَ لعيون الزغار .. وشاح وطيور وقصايد حمَّلك شاطينه غيض ويه النبع تصفه هلاهل وانتَ حد الهم .. تلوج ومحّد يسمعك هلاهل تصفه روجه ويَ النهر وتفيض تتفسّر هلاهل تصفه لچمه وي الجرح وتغيض ونسمعك هلاهل والنواقيس وْيَ صوتك دگ جرسها.. وهزت أركان الكنايس والهجر .. صوره عله حايط شابحه الشوف وتعاين والعشگ.. نجمه بضواك تغيض وتمل وتعاين يالبلچن ينكسر گلبك عليها وينحر الشوف ويعاين يلگه بيها طيوفه لحنّهن حچينه يلگه بيها حروفه دوخهن بجينه يلگه بيها شموعه تطفه.. وتعتلگ شمعه حزينه ويبگه طيفك جيد مرهون بگلايد لاچن أنتَ تظل جرح ووشاح وطيور وقصايد حملّك شاطينه غيض.. وحتى حبات الرمل بيدك تفز فزة طيور وحتى جنح الصاف يلگاك بحريره.. وتصفه خيط وْيَ الطيور وانتَ ذاك انتَ سؤال تحيّر الدمعه عله چفك وانتَ ذاك انتَ النحرت الگاع حتى الدم يعرفك لو نزف يشكيك وانتَ يفيض نزفك طوح وْيَ الروح ونة الكاولي وعيش عله عرفك غني حزن الناس وانتَ وْيَ الغنه نايين حزنك سومري إيشانك، غريبه الدنيه لو رادت تميل سومري .. سومري وبُعدك سماوين وترف حزنك ثجيل وْوادمك مثل الگمر تضوي لمَن شمسك تميل شلون حزن الدنيه من تبچي عليك؟ سالفه الدنيا تصير بحزنك انتَ تخيّل الدنيا بغلاتك حدِّر بدمهه وتعال حمّلك شاطينه غيض وحتى جرف الماي اِلك عنده سؤال يناشدك چفّينه خذهه وهَيْنَه لو عفته جرايد لاچن انتَ.. تظل جرح ووشاح وطيور وقصايد! |
اقتباس:
لم نعد نسمع دارميات متقنة مؤخراً |
البنفسج .. مظفر النواب يــــا طعـم ... يـا ليـلة من ليـل البنفســج يـاحـلم ...يـمـامش بمـامـش طـبـع كََـلـبي مـن اطـبـاعك ذهـــــب تـرخص .. وأغـلـّيـك ...... وأحـبــــّـك * * * آنا متـعـوّد عليـك هــواي...يا سـولة سكـتـّي يـا طـواريــّك ... من الظلـمــة تجــيــني جـانـن ثـيـابي علي غـربـة كَــبل جـيـتك ومـسـتاحـش مـن عيـيونــي وَلـّـمتـني.... وعـلى المـامـش ..عـلـّمتـني.. آنـا حـب هـوايـه كَــبـلك ذ وّبــاني. * * * إشـلـون أوصـفــك .. وانـت كـهـرب. وآنـا كَـمرة عيـني.. دمـعـة ليـل ظـلـمـة! إشـلـون أوصـفـك ..!! وانـت دفــتر وآنـي جـلمـه.........!! يـلـّي.. مـاجـاسك فكـر بالليــل ومجاسك سـهـر يـلـّـي بين حـواجـبـك ..غـفـوة نـهـــــــــــــــــر يـلـّي جـرّة سمــــا بعـينـك خــاف أفـززهــا من أكَـلـّك آنـــا احـبـّــك آنــا احـبـّـــك * * * مـامـش بمـامـش....و للـمامش......... يـمـيزان الـذهـب ....وتـغـش واحـبــّـك وارد أكّــلـّك... فـرنـي حـسـنـك ............ يـابنـفـسـج وانـتَ وحـدك... دوّخـتني .. يـابنفـسج وعـلى حـبـّك.. آنـا حـبيـّت الـذي بحـبـهم لـمتـني يـاطعـم .... يـاليلـة من ليل البنفــسج يـا عـذر عـذرين.. يـاشنهي واحـبـّك |
|
ييزي ترهدنك هذا ويهلك
يقين متيمك يتعب ويهلك شقول وشعتب وشحتشي وي اهلك سبب لانهم يمنعونك عليا |
|
| الساعة الآن 06:21 PM |
Powered by vBulletin® Copyright ©2000 - 2025, Jelsoft Enterprises Ltd.